ჯეფრი ლიბერტი „გაზელ ფაინანსი“-ს აღმასრულებელი დირექტორია. მან შეძლო წარმატებით მოეზიდა 42 მილიონი აშშ დოლარის ღირებულების კაპიტალი გაზელ ფონდის სასარგებლოდ, რომელიც, თავის მხრივ, ახორციელებს ინვესტიციებს მცირე და საშუალო ზომის კომპანიებში ცენტრალურ აზიაში, კავკასიასა და აღმოსავლეთ ევროპაში. მანამდე კი, ჯეფრი იყო თანადამფუძნებელი კომპანიისა „Verdeo Group“, რომელიც მუშაობდა ალტერნატიული ენერგიისა და ნახშირბადის გამოყოფის შემცირების პროექტზე და შესყიდულ იქნა 2011 წელს სინდიკატუმის მიერ. Verdeo Group-ის დაფუძნებამდე, ჯეფრი იყო $1 მილიარდიანი ფონდის  „Climate Change Capital“ ჯგუფის ვიცეპრეზიდენტი (შესყიდულ იქნა Bunge-ის მიერ), სადაც ის პასუხისმეგებლი იყო ევრაზიის მასშტაბით სამრეწველო ენერგოეფექტურობისა და მეთანის გაზის გამოყენების პროექტების პორტფელის განვითარებასა და მართვაზე.  

საერთაშორისო საფინანსო კორპორაციის (IFC) საინვესტივიო ოფიცრის პოზიციაზე მუშაობისას, ჯეფრი ხელმძღვანელობდა სუფთა ტექნოლოგიებში ვენჩორული კაპიტალის ინვესტირების $30 მილიონიანიან ფონდს, რომელიც დღესდღეობით წარმოადგენს  IFC-ის სუფთა ტექნოლოგიებში ინვესტირების ჯგუფს, $200 მილიონიანი აქტივებით. მან სტრუქტურირება გაუწია ენერგოეფექტურობისა და განახლებადი ენერგიის დაფინანსების $465 მილიონიან ინსტრუმენტს (CHUEE), სადაც IFC-ის კაპიტალიდან $46 მილიონი გათვალისწინებული იყო პირველადი და მეორადი ზარალის ანაზღაურებისთვის. აღნიშნული გარიგება შედგა ჩინეთის შემდეგ ბანკებთან: ინდუსტრიული ბანკი, შანხაის პუდონგის განვითარების ბანკი და პეკინის ბანკი. 2006 წელს, გარიგებამ აიღო მეორე ადგილი ფაინენშალ თაიმზის მიერ ორგანიზებულ კონკურსში, ნომინაციაში „წლის მდგრადი გარიგება“. დღეისთვის, 200-მდე პროექტის დაფინანსების შედეგად, ინსტრუმენტის ფარგლებში მობილიზებულ იქნა $6.3 მილიარდზე მეტი.

IFC-მდე კი, ჯეფრი კონსულტირებას უწევდა მულტინაციონალურ კორპორაციებს ჩინეთის ბაზარზე შესვლის სტრატეგიების შესახებ.  მის მიერ დაფუძნებულ იქნა არაერთი ტექსტილის ქარხანა ცენტრალურ აზიასა და ჩინეთში. საბჭოთა კავშირის დაშლის შემდეგ, ჯეფრი მსახურობდა მშვიდობის კორპუსში მონღოლეთში. მას მიღებული აქვს უორტონის ბიზნეს სკოლის მაგისტრის ხარისხი, ბაკალავრიატი კი გაიარა ტაფტსის უნივერსიტეტში, რუსეთის კვლევისა და საერთაშორისო ურთიერთობების განხრით. ის ფლობს ჩინურ (მანდარინი), მონღოლურ და რუსულ ენებს. ჯეფრი მისი ხელშეწყობით 2003 წელს მონღოლეთში დაფუძნებული ტაიმენ ფონდის გამგეობის წევრია.  

მირანდა ხერხეულიძე გაზელ ფაინანსის გუნდს 2017 წლის აპრილში შეუერთდა, როგორც კომპანიის ფინანსური დირექტორი. მირანდას აქვს საბანკო და საფინანსო სფეროში მოღვაწეობის 15 წლიანი გამოცდილება. მათ შორისაა SME და საბანკო, საკრედიტო, რისკების, ფინანსური მართვისა და კორპრატიული ფინანსების მიმართულება. სხვადასხვა დროს, მირანდას ეკავა არაერთი ხელმძღვანელი პოზიცია საქართველოს ორ წამყვან ბანკში - ბანკი რესპუბლიკა - ჯგუფი „სოსიეტე ჟენერალი“ და თიბისი ბანკი.  

გაზელ ფაინანსში მუშაობის დაწყებამდე, მირანდა ხელმძღვანელობდა თიბისი ბანკის კორპორატიული ანდერაითინგის განყოფილებას, სადაც მის პასუხისმგებლობას წარმოადგენდა   ბანკის $1.0 მილიარდიანი კორპორატიული პორთფელის მართვა, რისკების შეფასება და $50 მილიონამდე გარიგებების სტრუქტურირება. ის იყო უმაღლესი დონის საკრედიტო კომიტეტის სრულუფლებიანი წევრი და ჰქონდა $4 მილიონიანი ლიმიტის ფარგლებში  გადაწყვეტილების დამოუკიდებლად მიღების უფლებამოსილება. თიბისი ბანკამდე, მირანდა ხელმძღვანელობდა კორპორატიული და SME კლიენტების რისკების შეფასების განყოფილებას ბანკში რესპუბლიკა - ჯგუფი სოსიეტე ჟენერალი, საქართველო. გარდა იმისა, რომ მირანდას ევალებოდა მაღალხარისხიანი პორთფელის შექმნა, ის პასუხისმგებელი იყო პორთფელის დონეზე რისკების შეფასებაზე, რისკების რეიტინგისა და რეზერვირების პროცესების მართვაზე, ისევე როგორც ბანკის სათავო ოფისის რისკების  ზედამხედველობის განყოფილებასთან კომუნიკაციასა და ანგარიშგებაზე. მირანდამ განაახლა და დანერგა ბანკის ზოგადი დაკრედიტების, პორთფელის კლასიფიკაციის, მონიტორინგისა და შეფასების პოლიტიკა, რისკების შეფასების მეთოდოლოგია, კრიტერიუმები და პროცედურები.   

როგორც CGF (საკრედიტო საგარანტიო ფონდი)-ს საბანკო მრჩეველი,  მირანდა კონსულტაციას უწევდა საქართველოს სამ წამყვან პარტნიორ ბანკს, ძირითადად, SME ანდერაითინგის სტანდარტებში, სესხების შეფასებისა და დამტკიცების პროცესებში. CGF იყო მცირე და საშუალო ბიზნესების ხელშეწყობის პროექტი, რომელიც განხორციელდა KFW Entwicklungsbank-სა  და საერთაშორისო თანამშრომლობისთვის შემნახველი ბანკების ფონდის (Sparkassenstiftung) დაფინასებით. სამიზნე არეალს წარმოადგენდა  საქართველოსა და სომხეთის ბაზრები. მირანდა ხელმძღვანელობდა პარტნიორი ბანკების გავლით ფონდის რესურსების  მცირე და საშუალო ბიზნესებში ოპტიმალური ინვესტირების პროცესს. პერიოდულად, ის მონიტორინგს უწევდა ფონდის პორთფელს და აფასებდა პარტნიორი ბანკების საერთო ფინანსურ ეფექტურობას.  

მირანდამ დააგროვა კორპორატიული ფინანსების კუთხით მდიდარი ექსპერტული გამოცდილება ორ მოქმედ კომპანიაში ფინანსური დირექტორის პოზიციაზე მუშაობის შედეგად: იბერია კონსტრაქშენი (საცხოვრებელი უძრავი ქონების განვითარება) და Treiquest Int. Group (მრავალპროფილური მშენებლობა და ინჟინერია).

მირანდა არის საქართველოს თავისუფალი ინსტიტუტის წარმოების მართვის ფაკულტეტის ბაკალავრი. მან მიიღო ბიზნეს ეკონომისტის დიპლომი უნივერსიტეტში Berufsakademie Mosbach (DHBW), ბადენ-ვიურტემბერგი, გერმანია. 2017 წლის ნოემბერში, მან მიიღო საფრანგეთის გრენობლის ბიზნეს სკოლის  მაგისტრის ხარისხი, სპეციალიზაციით - ფინანსები.  მშობლიური ქართული ენის გარდა, მირანდა თავისუფლად საუბრობს ინგლისურ ენაზე. ის კარგად ფლობს რუსულ და გერმანულ ენებს.

ნათია ჯანელიძე გაზელ ფაინანსის გუნდს 2015 წლის ოქტომბერში შეუერთდა, როგორც საინვესტიციო დირექტორი. 2017 წლის ოქტომბერში, ის წარმატებით წარუძღვა გაზელ ფაინანსის საქართველოში ინვესტირების პირველ რაუნდს სწრაფი კვების რესტორნების ქსელში „დეგუსტო“.  ნათიას აქვს მცირე და საშუალო ბიზნესებისა (SME) და კორპორატიული დაფინანსების სფეროში მოღვაწეობის 10 წლიანი პროფესიული საბანკო გამოცდილება. სხვადასხვა დროს, მას ეკავა არაერთი ხელმძღვანელი პოზიცია საქართველოს ორ წამყვან ბანკში, თიბისი ბანკსა და რესპუბლიკა ბანკში (ჯგუფის „სოსიეტე ჟენერალი“ წევრი).

გაზელ ფაინანსში საქმიანობის დაწყებამდე, ნათია შვიდი წლის მანძილზე მუშაობდა ბანკში რესპუბლიკა/სოსიეტე ჟენერალი. მას ეკავა სხვადასხვა მენეჯერული პოზიცია,  განსაკუთრებული აქცენტით მცირე და საშუალო ბიზნესებზე. ბანკის SME საკრედიტო დეპარტამენტის ხელმძღვანელად მუშაობის პერიოდში, ნათია კოორდინირებას უწევდა და მართავდა ბანკის მთლიანი პორთფელის 40%-ს, რაც შეადგენდა $30 მილიონის ღირებულების სასესხო აქტივებს. ის ხელმძღვანელობდა ფრონტისა და ბექ ოფისის  გაყიდვებისა და ანალიტიკის თანამშრომლებს, მონაწილეობას იღებდა საკრედიტო კომიტეტებში. ბანკში მოღვაწეობის პერიოდში, ნათიას ასევე ეკავა  SME და კორპორატიული პორთფელის მართვისა და ხარისხის მართვის დეპარტამენტების ხელმძღვანელის პოზიცია. ის ასევე იყო სპეციალური ფაილების კოორდინატორი, სადაც პასუხისმგებელი იყო ბანკის უმსხვილეს კორპორატიულ კლიენტებთან სესხების რესტრუქტურიზაციაზე. ბანკში „რესპუბლიკა/სოსიეტე ჟენერალი“ მუშაობის დაწყებამდე, ნათია საქმიანობდა თიბისი ბანკში. თავდაპირველად, ის იყო SME სესხის ოფიცერი ქუთაისის ფილიალში, რომელიც ერთ-ერთი უმსხვილესი რეგიონული ცენტრია თბილისის შემდეგ.

თიბისი ბანკში, ნათიას კარიერამ სწრაფი ზრდა განიცადა. თავდაპირველად იგი დაინიშნა SME განვითარების დეპარტამენტის ხელმძღვანელად თბილისში,  სადაც მართვდა 15 საკრედიტო ოფიცრისა და ბექ ოფისის თანამშრომლებისგან შემდგარ გუნდს თბილისსა და 8 რეგიონულ ფილიალში, დაახლოებით $400 მილიონიანი სასესხო აქტივების პორთფელით. შემდეგ დაწინაურდა და დაიკავა კორპორატიული გაყიდვების დეპარტამენტის ხელმძღვანელის პოზიცია, სადაც დაევალა ახალი კლიენტების მოზიდვა, ბანკის დეპოზიტების, სასესხო და ბალანსგარეშე პორთფელის მართვა, საპროცენტო და საკომისიო შემოსავლების გაზრდა.  ნათიას მიღებული აქვს მაგისტრის ხარისხი აშშ-ის მისური-კოლუმბიის უნივერსიტეტში, დოქტორის ხარისხი საქართველოს ტექნიკურ უნივერსიტეტში ფინანსებისა და საბანკო მიმართულებით.  ის თავისუფლად ფლობს ინგლისურ, რუსულ და ქართულ ენებს.

ნათიას აქვს შემდეგ საბაზრო სექტორებში ინვესტირების გამოცდილება: SME, წარმოება, სოფლის მეურნეობა და საცალო ბიზნესი.  

რიფატ უტიუშევი გაზელ ფაინანსის გუნდს 2014 წლის ივლისში შეუერთდა. 2016 წლის ბოლომდე, მას ეკავა საინვესტიციო დირექტორის პოზიცია ყირგიზეთში.  ამჟამად, რიფატი წარმოადგენს საინვესტიციო კომიტეტის დამოუკიდებელ წევრს. მისი ამ რანგში საქმიანობა გასტანს გაზელ ფაინანსის მიერ საინვესტიციო საქმიანობის ყირგიზეთში დაწყებამდე.  რიფატს აქვს  20 წლიანი პროფესიული გამოცდილება კორპორატიული ფინანსების, საბანკო საქმიანობისა და კერძო ინვესტიციების კუთხით. 

გაზელ ფაინანსში მუშაობის დაწყებამდე, რიფატს ეკავა ფინანსური დირექტორის პოზიცია ყირგიზეთის  $300 მილიონიან განვითარების ფონდში, სადაც მის დაქვემდებარებაში იყო 20-ზე მეტი თანამშრომელი. განვითარების ფონდში მუშაობის დაწყებამდე კი, ის იყო თანადამფუძნებელი და ფინანსური დირექტორი ცემენტის კომპანიისა Yuzno-Kyrgyzskiy,  რომელიც მდებარეობდა სამხრეთ ყირგიზეთის რეგიონულ ცენტრში - ოში. რიფატმა შეძლო კომპანიის სასარგებლოდ მოეზიდა $110 მილიონის ოდენობის საერთაშორისო დაფინანსება ჩინეთის ექსპორტ-იმპორტის ბანკიდან,  ყაზახეთის ბითიეი ბანკიდან და ყაზახეთის საინვესტიციო ფონდიდან. რიფატი წარმატებით წარუძღვა კომპანიის საერთაშორისო საინვესტიციო ფონდისთვის გასხვისების პროცესს და შეძლო სრულად დაეკმაყოფილებინა  აქციონერების მოლოდინები. 7 წლის განმავლობაში, რიფატი ასევე მუშაობდა ევროპის რეკონსტრუქციისა და განვითარების ბანკში (EBRD). ამ პერიოდში, მან დააფინანსა არაერთი პროექტი ტურიზმში, წარმოებასა და სხვა სექტორებში. მათ შორის იყო ყირგიზეთში უძრავ ქონებასა და სამშენებლო მასალებში კაპიტალის ინვესტირების ერთ-ერთი პირველი პროექტი.

რიფატი ბიშკეკის ბიზნესისა და მართვის საერთაშორისო სკოლის მაგისტრია. ის თავისუფლად საუბრობს რუსულ, ინგლისურ, ყირგიზულ და უზბეკურ ენებზე. ის ყირგიზეთში ბითიეი ბანკის გამგეობის წევრია.

რიფატს აქვს შემდეგ საბაზრო სექტორებში ინვესტირების გამოცდილება: ტურიზმი, წარმოება, უძრავი ქონება და საცალო საქმიანობა. 

ემილი ჩენონი გაზელ ფაინანსის გუნდს 2017 წლის ოქტომბერში შეუერთდა, როგორც ოპერაციების ოფიცერი.  ემილის აქვს მრავალ კომპანიაში ფინანსური მიმართულებით მუშაობის 6 წლიანი გამოცდილება. მათ შორისაა აუდიტი, ინვესტორებთან ურთიერთობა, ფინანსური მოდელირება, ფინანსური ანალიზი, კომერციული საბანკო და კორპორატიული საბანკო მიმართულება.

გაზელ ფაინანსში მუშაობის დაწყებამდე, ემილი იყო სტაჟიორი-ანალიტიკოსი EBRD-ის წარმოებისა და მომსახურების გუნდში. ამ პერიოდში, ის ჩართული იყო რამდენიმე პროექტის განხორციელებაში საქართველოსა და აზერბაიჯანში, ინვესტიციის საერთო ღრებულებით - $50 მილიონი. როგორც პროექტის გუნდის წევრი, ის პასუხისმგებელი იყო კოვენანტებთან შესაბამისობის მონიტორინგზე, გარემოსდაცვით და სოციალურ შესაბამისობაზე, სუბიექტის შეფასებაზე/დიუ დილიჯენსზე, საკრედიტო შეფასების მომზადებაზე, პირდაპირი ფინანსირებისა და თანადაფინანსების პროექტებზე მემორანდუმის საბოლოო გადახედვაზე, ფინანსური მოდელების შექმნაზე/განახლებაზე.

EBRD-მდე კი, ემილი დასაქმებული იყო დელოიტში, თავდაპირველად როგორც ბუღალტერი, შემდეგ კი - როგორც  აუდიტორი. მის მოვალეობას წარმოადგენდა აქტივების, ვალდებულებების და კაპიტალის ანგარიშების გატარება, ფინანსური ანგარიშების აუდირება დადგენილი პროცედურების, IFRS და US GAAP პრინციპების შესაბამისად, საკრედიტო შეფასების პროექტებზე მუშაობა.

ემილი ასევე მუშაობდა სს ბანკში კონსტანტა, როგორც ფინანსური ანგარიშგების ოფიცერი. მას ევალებოდა ბანკის კრედიტორებისთვის ყოველთვიური, კვარტალური, ნახევარწლიური და ყოველწლიური ფინანსური ანგარიშების მომზადება, ბანკის ფინანსური კოეფიციენტების ანალიზი, ბანკსა და კრედიტორებს შორის ხელშეკრულებების მომზადება.

ემილი ჰალტის საერთაშორისო ბიზნეს სკოლის ბიზნეს ადმინისტრირების ფაკულტეტის ბაკალავრია, ფინანსებისა და მართვის სპეციალიზაციით. მან წარმატებით გაიარა F1F9 (FAST) მოდელირების კურსი და გეგმავს გახდეს ACCA-ს წევრი (დღეისათვის, მას წარდგენილი აქვს F1-F5 ACCA დოკუმენტები). ინგლისურ და ქართულ ენებზე საუბრის გარდა, ემილი კარგად ფლობს რუსულ ენას.

გიორგი ჯობავა გაზელ ფაინანსის გუნდს 2017 წლის სექტემბერში შეუერთდა, როგორც უფროსი საინვესტიციო ოფიცერი თბილისში, საქართველო.  გიორგის აქვს საქართველოს ორ წამყვან ბანკში - თიბისი ბანკსა და ვითიბი ბანკში მუშაობის 7 წლიანი პროფესიული გამოცდილება, განსაკუთრებული აქცენტით კორპორატიულ და SME საბანკო მომსახურებაზე.  

გაზელ ფაინანსში მუშაობის დაწყებამდე, გიორგის ეკავა უფროსი ანალიტიკოსის პოზიცია საქართველოს უმსხვილესი ბანკის, თიბისი ბანკის კორპორატიულ განყოფილებაში. მან მნიშვნელოვანი როლი შეასრულა რამდენიმე მსხვილი და  ბანკისთვის სტრატეგიულად მნიშვნელოვანი სესხის აღსრულების პროცესში. გიორგი მართავდა $ 120 მილიონიან პორთფელს, რომელშიც შედიოდა ბანკის რამდენიმე მსხვილი კლიენტი.  თიბისი ბანკში მუშაობის პერიოდში,  მისი საქმიანობა უმთავრესად ორიენტირებული იყო შემდეგ სექტორებზე: ტელეკომუნიკაცია, ფინანსური დაწესებულებები, ტრანსპორტი და ლოჯისტიკა.  

თიბისი ბანკამდე, გიორგი მუშაობდა ვითიბი ბანკში, თავდაპირველად როგორც ბიზნეს ანალიტიკოსი, შემდეგ კი - როგორც კორპორატიული ბანკირი. ის ჩართული იყო ბანკის უმსხვილესი კორპორატიული გარიგებების სტრუქტურირების პროცესში.  გიორგი მართავდა $ 25 მილიონიან პორთფელს, რომელიც მოიცავდა დაახლოებით 12 კლიენტს.

გიორგი არის თბილისის სახელმწიფო უნივერსიტეტის ბიზნეს ადმინისტრირების ფაკულტეტის ბაკალავრი. ბიზნეს ადმინისტრირების მიმართულებით, მას გავლილი აქვს მაგისტრის რანგის რამდენიმე კურსი შვედეთში (ლინეუს უნივერსიტეტი). მას წარმატებით აქვს გავლილი ფინანსური მართვისა და ფინანსური მოდელირების კურსები.   

გიორგი თავისუფლად საუბრობს ქართულ, რუსულ და ინგლისურ ენებზე.  

მიხეილ თამასიძე გაზელ ფაინანსის გუნდს 2018 წლის მარტში შეუერთდა, როგორც უფროსი საინვესტიციო ოფიცერი.  მიხეილს აქვს საბანკო სფეროში მუშაობის 9 წლიანი პროფესიული გამოცდილება  SME და კორპორატიული დაფინანსების მიმართულებით.  მას ეკავა სხვადასხვა თანამდებობა სს ვითიბი ბანკში, რომელიც წარმოადგენს ვითიბი ჯგუფის შვილობილ კომპანიას.  

გაზელ ფაინანსში მუშაობის დაწყებამდე, მიხეილს ეკავა უფროსი კორპორატიული ანალიტიკოსის თანამდებობა ვითიბი ბანკის კორპორატიულ ბიზნეს განყოფილებაში. ის მართავდა $ 45 მილიონზე მეტი ოდენობის პორთფელს, რომელშიც წარმოდგენილი იყო სხვადასხვა სფეროში მოქმედი კომპანიები.  მიხეილი ატარებდა შესაბამის ბიზნეს ანალიზს, უძღვებოდა კორპორატიულ კლიენტებთან ამოღების პროცესს, ადგენდა დეტალურ ბიუჯეტს და ყოველდღიურ კონტროლს უწევდა მის შესრულებას.

კორპორატიულ საბანკო სფეროში ჩართვამდე კი, მიხეილი მუშაობდა ვითიბი ბანკში, როგორც SME ბიზნეს განყოფილებისა და  სავაჭრო-საფინანსო განყოფილების ანალიტიკოსი.

მიხეილს აქვს კავკასიის უნივერსიტეტის ბაკალავრის ხარისხი ფინანსების მიმართულებით.  მან წარმატებით გაიარა კორპორატიული ფინანსების კურსი ლონდონის ეკონომიკისა და პოლიტიკურ მეცნიერებათა სკოლაში (LSE). ასევე გავლილი აქვს ფინანსური მოდელირებისა და შეფასების კურსები სხვადასხვა უნივერსიტეტში.

მიხეილი თავისუფლად საუბრობს ქართულ, ინგლისურ და რუსულ ენებზე.  

ტატევიკ გალავარიანი გაზელ ფაინანსის გუნდს 2018 წლის ივლისში შეუერთდა, როგორც  მთავარი ბუღალტერი სომხეთში. ტატევიკს აქვს სომხეთის მსხვილ ფინანსურ ორგანიზაციებში IFRS ბუღალტრული აღრიცხვის მიმართულებით მუშაობის 9 წლიანი გამოცდილება.

გაზელ ფაინანსში მუშაობის დაწყებამდე, ტატევიკი დასაქმებული იყო სომხეთის ერთ-ერთი წამყვანი  B2B ბანკის, ამერიაბანკის მფლობელი კომპანიის - ამერია გრუპის ფინანსურ განყოფილებაში. მის მოვალეობას წარმოადგენდა ბუღალტრული საქმიანობის წარმართვა ბუღალტრული აღრიცხვის საერთაშორისო სტანდარტების, კორპორატიული პოლიტიკისა და გარე აუდიტის მოთხოვნების შესაბამისად. ის პასუხისმგებელი იყო კრედიტორული და სახელფასო ანგარიშების მართვაზე, თვის ბოლოს ანგარიშების დახურვაზე, ფინანსური უწყისებისთვის ანგარიშების მომზადებაზე.

ამერია გრუპში მუშაობის დაწყებამდე, ტატევიკს ეკავა ბუღალტრის პოზიცია საკრედიტო ორგანიზაციათა კავშირში „Farm Credit Armenia“, სადაც სხვა ფუნქციებთან ერთად, მის მოვალეობას წარმოადგენდა ბუღალტრული გატარებების წარმოება, ანგარიშების შეთანხმება, ყოველთვიური, კვარტალური, ნახევარწლიური და წლიური ფინანსური ანგარიშების მომზადება კავშირის მენეჯმენტისა და სომხეთის ეროვნული ბანკისთვის.

ტატევიკი ერევნის სახელმწიფო უნივერსიტეტის მათემატიკის ფაკულტეტის ბაკალავრია. მან მიიღო ბუღალტრული აღრიცხვისა და აუდიტის მაგისტრის ხარისხი საგანმანათლებლო ფონდში „საერთაშორისო საბუღალტრო სასწავლო კურსი“. ის გეგმავს გახდეს სერტიფიცირებულ ნაფიც ბუღალტერთა ასციაციის (ACCA) წევრი (დღეისთვის, მას წარდგენილი აქვს F1-F7 ACCA საბუთები). ტატევიკი თავისუფლად საუბრობს სომხურ, რუსულ და ინგლისურ ენებზე.  

ნინო სებისკვერაძე გაზელ ფაინანსის გუნდს 2017 წლის აგვისტოში შეუერთდა, როგორც აღმასრულებელი თანაშემწე და ოფისის მენეჯერი.  სხვადასხვა კომპანიასთან მუშაობის შედეგად, ნინომ დააგროვა 10 წლიანი ადმინისტრაციული გამოცდილება ისეთი მიმათულებებით, როგორიცაა პროექტების მართვა, ადმინისტრირება, ინვენტარის მართვა, კომუნიკაცია, ღონისძიებების კოორდინაცია, შესყიდვა და მარკეტინგი, ასევე კორპორატიული სოციალური პასუხისმგებლობა (CSR).  

გაზელ ფაინანსში მუშაობის დაწყებამდე,  ნინო საქმიანობდა მიკროსაფინანსო ორგანიზაციაში „კრისტალი“  CSR ოფიცრის პოზიციაზე. ამ პერიოდში, მან კოორდინირება გაუწია არაერთ პროექტს და ხელი შეუწყო პასუხისმგებლიანი დაკრედიტებისა და მომხმარებელთა დაცვის, ეკოლოგიური და სოციალური შესაბამისობის თანამედროვე სტანდარტების შემუშავებასა და დანერგვას. ნინომ წვლილი შეიტანა საერთაშორიო საუკეთესო პრაქტიკის ჩამოყალიბებაში, CSR სტანდარტების შესახებ პერსონალის ცნობიერების ამაღლებაში, კომპანიის სოციალური გავლენის კვლევაში, გაზომვასა და შეფასებაში, სოციალური პასუხისმგებლობის სტრატეგიისა და პროგრამების შემუშავებაში.  

კრისტალამდე კი, ნინო  იყო პროექტის მენეჯერის თანაშემწე ქუთაისში, კომპანიაში Todini-Takenaka. მას ევალებოდა შეხვედრების დროს მთარგმნელობითი მომსახურების გაწევა და კონტრაქტების შესაბამისად დოკუმენტაციის მომზადება.  

ნინო ასევე მუშაობდა თიბისი ბანკში ადმინისტრაციული თანაშემწის პოზიციაზე. მის მოვალეობას წარმოადგენდა შემოსული და გასული კორესპოდენციისა და ოფიციალური წერილების მართვა, დასაქმების კონტრაქტების მომზადება და არქივში შენახვა, მონაცემთა ბაზებთან მუშაობა.

ნინო არის ქუთაისის ა.წერეთლის სახელმწიფო უნივერსიტეტის  ჰუმანიტარულ მეცნიერებათა ფაკულტეტის მაგისტრი, თარჯიმან-რეფერენტის სპეციალიზაციით. ნინო თავისუფლად საუბრობს ინგლისურ, რუსულ და ქართულ ენებზე.